ప్రణయ కావ్యం - 10

జరిగిన కధ
(అమెరికాలొ పెద్ద బిజినెస్ మాన్ అయిన అభిరామ్, భవ్య అనే గొప్పింటి అమ్మాయి ఒకరంటే ఒకరి కి ఇష్టం లేకుండా నే ఇండియా బయలుదేరుతారు. విమానంలొ అబిరామ్ భవ్యతొ తన చిన్నప్పటినుండి జరిగిన సంఘటనలు చెప్తాడు. అతను మరదలు జానకి ని చిన్నప్పటినుండి ప్రేమిస్తాడు. అబిరామ్ ఇంజనీరింగ్ చదువు వలన జానకి కి నాలుగేళ్ళు దూరంగా ఉంటాడు. జానకి పాలేరు రఘుని ప్రేమిస్తుంది. జానకి ప్రేమ కొసం తన ప్రేమను త్యాగం చేసి వాళ్ళ నాన్న ని ఎదురించి రఘుతొ పెళ్ళి చేస్తాడు అభిరామ్. భవ్య తనగురించి చెప్తు, కాలేజీ రొజుల్లొ తన వెంటపడిన జేమ్స్ గురించి చెప్తుంది. జేమ్స్ ను వదిలించుకొవడానికి అతనితొ వారంరొజులు లివ్ ఇన్ రిలేషన్ షిప్ కు అంగీకరిస్తుంది భవ్య. తర్వాత చదవండి.)

కొంత దూరం వెళ్ళాక..తన ఆలొచనలలొ నుండి బయటకొస్తూ "తర్వాత ఎమైంది " అభిరామ్ అడిగాడు.

అందుకొసమే వెయిట్ చేస్తున్నదానిలా భవ్య హూషారుగా, " తర్వాత నేను, రోజీ జేమ్స్ ఫామ్ హౌస్ కి వెళ్ళాం"

సిటీ కి దూరంగా ఓ చిన్న చెరువు పక్కన ఆ ఫామ్ హౌస్ ఉంది. ఫామ్ హౌస్ చుట్టురా డాగ్ ఉడ్ చెట్లు పింక్ అండ్ వైట్ కలర్స్ లొ మనొహరంగా ఉన్నాయి. మద్యలొ ముచ్చటైన అద్దాల బిల్డింగ్, దాని చుట్టు పెద్ద ప్రహరీ గొడ, గొడ నల్లుకొని అవేవొ రంగు రంగుల పూల తీగలున్నాయి. మొత్తంగా ఆ ప్లేస్ చూస్తుంటే, బృందావనం లొ ఉన్నట్లుగా అనిపించింది నాకు. అప్పటివరకు ఉన్న భయం ఎగిరిపొయింది.

"భవ్యా.. ఇల్లు చూస్తుంటే జేమ్స్ డాడీ మీ డాడీ లా మంచి సౌండ్ పార్టీలా వున్నాడే." రొజీ కాంపౌడ్ లొ అడుగుపెడుతూ అన్నాది.

ఇంటినిండా అందమైన ఫర్నిచర్, ఇంటీరియర్ భవ్య కి బాగా నచ్చేసాయి. అంతా తన టేస్ట్ కి అనుకూలంగా అమర్చినట్లుంది....ఆ ఇల్లు.

ఎలా అయినా నా మనసుని గెలవాలని జేమ్స్ బాగా ప్రిపేర్ అయినట్లున్నాడు. నన్ను బాగా స్టడీ చేసి మరి నా టేస్ట్ కి తగ్గట్లు ఇంటీరియర్ డెకరేట్ చేసాడు. మా రాకను గమనించిన జేమ్స్..హల్లొ కి వస్తూ

రోజీ ని "హయ్" అని పలకరించేసి, నా వైపు తిరిగి.."వెలకమ్ మై స్వీటీ. అయామ్ వైటింగ్ ఫర్ యి" అన్నాడు.
అతని పిలుపు కొత్తగా అనిపించింది. అక్కడ టీ పాయ్ మీదున్న ఫ్లవర్ బొకే అందిస్తూ " వెలకమ్ టు మై పారడైజ్" అన్నాడు.
"దాంక్యు" అన్నాను గానీ.. ఈ బొకేల పిచ్చేంటొ నాకర్దం కాలేదు. నిజానికి నాకు పూలంటే ఎందుకొ నచ్చదు." భవ్య చెప్పడం ఆపింది.

అబిరామ్ చిత్రంగా ఆమె వంక చూసాడు. పూలంటే పడని అమ్మాయిలుంటారా? అని ఆశ్చర్యపోయాడు. ఆమె కూడా తనలానే ఆలొచిస్తుంటుందని మాత్రం అర్దమయ్యింది.

"అతను అలా వెలకమ్ చెప్తున్నప్పుడు, అతని ఒంటిమీద షార్ట్స్ తప్ప, చొక్కాలేదు. అప్పటివరకు బాగా తాగి పడుకున్నట్లున్నాడు. కళ్ళు కొంచెం ఉబ్బినట్లున్నాయి.
"ఇక్కడున్నన్నాళ్ళు మనకి వీడి ఎక్స్ పొజింగ్ చూడక తప్పేట్లు లేదు" రొజీ నాకు మాత్రమే వినపడేట్లుగా అంది. నాకు కూడా అతన్ని అలా చూడటం ఇబ్బంది గా అనిపించి...

" James.. I have a request." అన్నాను. "Ya..ya tell me" అన్నాడు.

"To be frank, It is s not a request. I have some conditions to stay with you” అన్నాను.

"No Problem..Tell me" అన్నాడు.

"Thank you" అనేసి మొహమాట పడకుండా.." మేం ఇక్కడ ఉన్నన్నాళ్ళూ నువ్వు డ్రింక్ చేయకూడదు. ఇలా సెమీ న్యూడ్ గా మా ముందు తిరగకూడదు. ఇంకా నన్ను స్వీటీ, నాటీ అని కాకుండా భవ్య అని పిలువు చాలు" అన్నాను.

ఒక రెండు సెకన్లు పాటు ఆలొచించి, "Oki. You are my guest. I respect your feelings…and I agree your conditions" అన్నాడు. హమ్మయ్య అనిపించింది. కానీ నాకు తెలుసు జేమ్స్ తాగకుండా ఉండలేడని. ఇంకా డ్రెస్సింగ్ విషయంలొ కూడా కావాలనే ఇబ్బంది పెట్టాను. అలా అయినా నన్ను భరించలేక వద్దంటాడని నా ఆశ.

నేను తన ఫామ హౌస్ కి రావడమే అతనికి పెద్ద ఆనందాన్నిచ్చినట్లుంది. ఇల్లంతా దగ్గరుండి చూపించాడు. మా ఇద్దరి గదులు చూపిస్తూ..ప్రెష్అప్ అయ్యి వస్తే బ్రేక్ ఫాస్ట్ చేద్దాం అన్నాడు. ఓకే చెప్పెసి గదుల్లొకి వెళ్ళిపొయాం.

నా రూమ్ చాలా విశాలంగా ఉంది. కిటికీ దగ్గర నిల్చుని చూస్తే స్విమ్మింగ్ పూల్ కనిపిస్తూంది. నిజం చెప్పాలంటే నా బెడ్ రూమ్ కన్నా ఈ రూమ్ నాకు బాగా నచ్చేసింది. అందమైన పైయింటింగ్స్ గొడల చూట్టురా ఉన్నాయి. డ్రెస్సింగ్ టేబుల్ దగ్గర జేమ్స్, వాళ్ళమ్మ ఫొటొ కనపడింది. అప్పుడు అర్దమయ్యింది నాకిచ్చిన రూమ్ జేమ్స్ పర్సనల్ బెడ్ రూమ్ అని. అంటే రోజీకి గెస్ట్ రూమ్ ఇచ్చినట్లున్నాడు. నాకది జేమ్స్ బెడ్ రూమ్ అని అర్దమవ్వగానే కంఫర్టబుల్ గా అనిపించక బయటకొచ్చేసాను.

డైనింగ్ టేబిల్ దగ్గర ఎవరొ పనమ్మాయితొ మాట్లాడుతూ ఉన్న జేమ్స్ నన్ను చూసి "వాట్ హేపండ్ భవ్య" అడిగాడు.

"I think that is your bed room!" కొంచెం కొపం నిండిన స్వరం తొ అన్నాను.

“Sorry Bhavya. In this premises that is only one bed room you will like it. Some other rooms are there, but you may not like it” అన్నాడు.
“Its ok. Show me some other room. I will adjust” అన్నాను. ఇంకా ఏదొ చెప్పాలని చూసాడు..నేను ఒప్పుకొలేదు. పరాయి వాళ్ళ బెడ్ రూమ్ లొ అడుగుపెట్టడమే నాకు నచ్చదు..అలాంటిది..జేమ్స్ బెడ్ మీదా?? ఓహ్ ఆ ఊహే ఇరిటేటింగ్ గా అనిపించింది. అయిష్టంగానే ఇంకొ గది చూపించాడు. నాకు ఆ గది నచ్చలేదు. ఇంకా విసిగించడం బాగొదని, "దాంక్యు" అనేసి లొపలకు వెళ్ళి అతని మొహం మీద నే డొర్ వేసేసాను. నా ప్రవర్తన అతనికి చిరాకు తెప్పించాలి. అదే నా విజయం మరి.

స్నానాలు అయ్యాక, టిఫిన్స్ కి రోజీ నేను వచ్చాం. పనమ్మాయి వడ్డిస్తుంటే...తను తెలుగమ్మాయి లా అనిపించి, "How come you have an Indian made?" జేమ్స్ ని అడిగాను.

అతను మాట్లాడే లొపే, ఆ అమ్మాయి "నాది పాలకొల్లు అమ్మాయి గారు. మీ కొసమనే మా సార్ నన్ను ఇక్కడికి పనిలొకి తీసుకొచ్చారు. నిన్న నే పనిలొ జాయిన్ అయ్యాను" తెలుగువాళ్ళను చూసిన ఉత్సాహంలొ పరిచయం చేసుకుంది.
"అవునా.??. ఏం పేరు" ఆశ్చర్యపోతూ అడిగింది రోజీ.
"లక్ష్మి అండి." అంది. నా వైపు తిరిగి, "మీకు అన్ని తెలుగు వంటలే ఇష్టమంట... కదండి.. అందుకే పెసరట్టు ఉప్మా చేసాను." నా ప్లేట్ లొ వడ్డిస్తూ అంది.
చాలా కలుపుగొలుగా మాట్లాడుతున్న ఆ అమ్మాయి ని చూస్తూంటే మొత్తం ఆంద్రా అంతా అక్కడే ఉన్నట్లు అనిపించింది.
జేమ్స్ నాకొసం అంతలా ఆలొచిస్తున్నాడని అర్దమయ్యి, "దాంక్స్ జేమ్స్" అన్నాను అప్రయత్నంగా మెదటిసారి నా మనసులొంచి.
"అబ్బొ గురుడు..నిన్ను ఎలా అయినా పడేయాలని పెద్ద స్కెచ్చే గీసాడే" రోజి నొరెళ్ళబెడుతూ అంది.
"నిజమే రిజక్ట్ చేయాలని వచ్చి, ఓకే చెప్పేసేటట్లున్నాను. కొంచం జాగ్రత్తగా ఉండాలని నిర్ణయించుకొని, వంటలు నచ్చనట్లు అయిష్టంగా మొహం పెడుతు తింటున్నాను.
"ఎనీ దింగ్ రాంగ్" జేమ్స్ కంగారుపడుతూ అడిగాడు. నేను సమాదానం చెప్పలేదు.

తను ఏమనుకున్నాడొ మళ్ళీ అడగలేదు.
"లక్ష్మి నీకు పప్పుచారు చేయడం వచ్చా?" రోజీ అడుగుతుంటే.. "వచ్చమ్మాయిగొరు. మీకు ఏం కావలన్నా నాకు చెప్పండి..చిటికెలొ చేసేస్తాను." ఉత్సాహంగా అంది. దాదాపు మా వయసే ఉండొచ్చు లక్ష్మికి. ఎంచక్కా అన్నివంటలు వచ్చనుకుంటా. నాకు కనీసం టీ పెట్టుకొని తాగడం రాదు. దాదాపు రోజీ పరిస్దితీ అంతే. పెళ్ళయ్యాక మా పరిస్దితి ఏంటొ ఆలొచించాలంటే భయం వేసింది. ఈ వన్ వీక్ లక్ష్మి దగ్గర వంటలు నేర్చుకుంటే సరి. టైమ్ పాస్ కూడా అవుతుంది." మనసులొ అనుకున్నాను.
"అయ్ లైక్ యువర్ ఇండియన్ డిషస్" మాటలు కలపడానికి జేమ్స్ అన్నాడు.
నేను వినలేనట్లు "అయామ్ త్రూ" అనేసి లేచి వాష్ బేసిన్ దగ్గర చేతులు కడుక్కున్నాను. నా వెనకే రోజీ ఫాలొ అయ్యింది. జేమ్స్ ఫీల్ అయ్యింటాడు..అవ్వాలనే కదా అలాచేసాను. తను చేస్తున్న టిఫిన్ పుర్తి కాకుండానే జేమ్స్ లేచాడు. నాకు వెనక్కి చూడడానికి దైర్యం చాలలేదు.

కాసేపు హల్లొ కూర్చొని అక్కడున్న మేగజైన్స్ తిరగేసాం ఇద్దరం. అన్ని లేడీస్ కి సంబందించిన మేగజైన్స్ ఉన్నాయక్కడ. రోజీ లేటెస్ట్ ఫాషన్స్ కి సంబదించిన బుక్ ఒకటి సీరియస్ గా చూస్తూ కూర్చుంది. నాకు బొర్ కొట్టి బయట గార్డెన్ లొకి వచ్చాను. నా వెనకే జేమ్స్ కూడా వచ్చాడు.

ఓ చెట్టుకింద సిమెంట్ చప్టా మీద కూర్చున్నాను. తను నా పక్కనే కూర్చుంటు..

“Are you comfortable here??" అడిగాడు. లేదంటే ప్రేమించడం మానేసి బుద్దిగా వదిలేస్తాడా? అడగాలనిపించి మళ్ళీ ఎందుకొ మౌనంగా ఉండిపోయాను. కాసేపు అతను నిశబ్దంగా కూర్చున్నాడు.
తర్వాత తనే "దాంక్స్ భవ్య." అన్నాడు. ఎందుకన్నట్లు చూసాను

"నా ప్రేమను నీకు చూపించుకునేందుకు నాకొ చాన్స్ ఇస్తున్నందుకు..రియల్లీ దాంక్యు వేరీ మచ్ భవ్య. నువ్వు నన్ను, నా ప్రేమను ఏక్సప్ట్ చేసినా చేయకున్నా..నీతొ గడుపుతున్న ఈ సమయం చాలు నా జీవితాంతం ఓ మదురానుభుతిగా మలుచుకొనేందుకు" అన్నాడు. అంత అద్బుతమైన తెలుగు తను మాట్లాడుతుంటే..నేను నొరు వెళ్ళబెట్టేసాను.

“I don’t know…why I am loving you. But really I need you” అన్నాడు.

నాకు తను అలా మాట్లాడుతుంటే అతన్ని రిజక్ట్ ఎందుకు చేస్తున్నానా అనిపించింది. దేశం, భాష, రంగు ఇలాంటికారణాలన్ని పక్కన పెడితే తనని వద్దనడానికి ఏ కారణం కనిపించలేదు. నేను మాట్లడలేకపొతున్నానెందుకొ... తన పక్కన మరొనిమషం కూర్చొలేనిదానిలా అక్కడి నుండి లేచి వచ్చేసాను.

తన అక్కడనుండి కదలకుండా..జేబులొ నుండి మౌత్ ఆర్గాన్ తీసి వాయించడం మొదలు పెట్టాడు. మంద్రంగా నా చెవిని తాకాయి ఆ రాగాలు. నా అడుగులు వేగం తగ్గింది. అతని రాగంలొ జీవం నాకాళ్ళకు అడ్డం పడి, నన్ను వదిలి వెళ్ళొద్దు అని బతిమాలుతున్నట్లుగా తొచాయి. చెవులు రెండు బలవంతంగా మూసుకొని, నా గదిలొ పరిగెత్తాను.

తలుపులు బలంగా వేసినా..అతని మౌత్ ఆర్గాన్ స్వరాలు నన్ను వదలడం లేదు. తలగడ బలంగా తలకు ఆన్చుకొని పడుకున్నాను.


(ఇంకావుంది)